Bashkia Tiranë e ka nisur vitin 2022 me një sërë tenderësh në shkelje të ligjit. Këtë herë bëhet fjalët për blerje qymyri dhe nafte për sistemin e kaldajave në shkolla. Kryebashkiaku Erion Veliaj nuk ka pritur dot të bëjë këtë shpenzim dhe ka shpallur fituesin në natën e ndërrimit të viteve, duke shkelur hapur ligjin dhe nisi 2022-shin me abuzime dhe shkelje ligji.
Shkelja e parë është që, ky tender rreth 330 milionë lekë nuk është bërë në bazë të rregullave të konkurrimit dhe për këtë arsye Open Procurement Albania e ka renditur te kontratat me “Red Flag”, pra pa garë dhe që krijon hapësira për abuzime.
Sipas dokumentit të prokurimit, për këtë tender kanë paraqitur oferta 5 kompani, por Veliaj ka përjashtuar pa filluar gara 4 kompani, me justifikime dhe argumente të paqëndrueshme, duke bërë që fituese të shpallet automatikisht, pa garë fare, kompania Alcani shpk. Këtu fillon skuqja me shkelje e këtij tenderi, duke kujtuar faktin që ai u nënshkrua në ditën kur administrata dhe të gjithë institucionet, sipas ligjit për festat, ishin pushim.
Shkollat ngrohen me kushte primitive
Skandali me këtë tender bëhet edhe i madh, kur në kontratë evidentohet se lënda djegëse për ngrohje, do të blihet në fund të vitit 2022. Pra, përse po shpenzon Veliaj 330 milionë lekë për ngrohje, kur në fakt nxënësit nëpër shkolla nuk po ngrohen, dhe kjo kontratë nuk i siguron dot lënët djegëse gjatë këtyre muajve kur dimri bëhet edhe më i ashpër.
Ku shkojnë këto para, kur shkollat në kryeqytet vazhdojnë të zhvillojnë mesmin pa ngrohje, ose gjejnë mjete provizore vetë nxënësit dhe mësuesit, por që në shumë raste kanë vënë në rrezik jetën e tyre.
Konkretisht, vetëm dy ditë më parë, nxënësit nga shkolla “Bajram Curri” kanë treguar se hasen me këtë problematikë. Nxënësit shprehen se, detyrohen të qëndrojnë në klasë me xhupa ose të blejnë vetë rezistencë pasi kaldaja herë ndizet e herë jo. Nxënësit që e sjellin vetë ngrohësen nga shtëpia janë më të privilegjuarit, të tjerët që janë ulur në bankat e fundit e ku ngrohja nuk arrin kanë sërish ftohtë.
“E mbaj ngrohësen te këmbët e mia, pasi e kam sjellë vetë”, shprehet një nxënës në një prononcim për mediat. Dhe prindërit tregojnë raste ku fëmijët u kanë pohuar se kanë patur ftohtë gjatë kohës që ndodheshin në klasë. “Dje më tha vajza kam patur ftohtë”, shprehet një prind. I njëjti problem shfaqet edhe në shkollën ë shkollën “Drita Pelinku” ku nxënësit raportuan se kaldaja jo gjithmonë ndizet, në klasa rrinë me xhupa, madje ka patur raste kur janë ftohur.
Prindërit shprehen se strukturat përkatëse duhet të marrin masa të menjëhershme, pasi fëmijët e tyre ua kanë besuar shkollave publike. Por, faktet tregojnë se institucionet përgjegjëse e bëjnë punën shkel e shko për të përfitua vetë sa më shumë para.
E.H/Gijotina.com/
Discussion about this post