Përmbytje e shkaktuara nga reshjet e dendura që përfshinë vendin në 48 orët e fundit kanë sjellë përmbytje masive në pothuajse gjithë qarkun e Lezhës.
Fshati Torovicë përpos përmbytjeve kanë hasur sot në një vështirësi të rëndë pasi për shkak të përmbytjeve nuk mund t’i jepnin dot lamtumirën e fundit një të vdekuri.
Për shkak të lartësisë së ujit e cila arrin deri në 1 metër familjarët e kanë pasur të vështirë të nxjerrin trupin nga banesa dhe ta varrosnin. Sipas Ora News për këtë ata kanë kërkuar ndihmën e forcave të ushtrisë të cilët kanë marrë trupin e të ndjerit me varkë për ta përcjellë në banesën e fundit dhe për të kryer të gjitha procedurat mortore.
Lexo edhe: Përmbytjet/ Alibeaj kërkon të shpallet gjendja e emergjencës
Deri më tani në fshatin Torovicë rreth 500 hektarë janë nën ujë. Lartësia e ujit vijon të jetë e lartë duke i lënë të rrethuara banesat dhe duke e bërë të pamundur lëvizjen e banorëve.
Discussion about this post