Numri i të vdekurve në Turqi dhe Siri është rritur në të paktën 2,509 pas një tërmeti të fuqishëm 7.8 ballë me epiqendrën e tij në Turqinë jugore herët të hënën. Numri i përgjithshëm i të plagosurve në Turqi dhe Siri u rrit në 12,136. Numri total i të vdekurve në Siri u rrit në 968.
Agjencia shtetërore e lajmeve siriane SANA raportoi 538 në zonat e kontrolluara nga qeveria dhe grupi “Helmetat e Bardha”, i njohur zyrtarisht si Mbrojtja Civile e Sirisë, raportoi 430 vdekje në zonat e kontrolluara nga opozita. Numri i përgjithshëm i vdekjeve në Turqi është rritur në 1,541, sipas nënpresidentit të Turqisë Fuat Oktay. Turqia ka të paktën 9,733 dhe Siria ka 2,403 të lënduar pas tërmetit shkatërrues.
Tërmeti në Turqi
Kufiri mes Turqisë dhe Sirisë është goditur ditën e sotme nga dy tërmete të fuqishme. I pari tronditi banorët rreth orës 04:17 dhe ishte 7.4 ballë. Ndërsa i dyti, 7.7 ballë ndodhi rreth orës 11: 24. Deri më tani, janë shënuar mbi 2361 viktima dhe mbi 10 mijë të plagosur. Lëkundja e parë tronditi banorët rreth orës 04:17 me epiqendër pranë qytetit të Gaziantep. Tërmeti i parë ndodhi 23 kilometra (14.2 milje) në lindje të Nurdagi, provincën Gaziantep, në një thellësi prej 24.1 kilometrash (14.9 milje), tha Shërbimi Gjeologjik i Shteteve të Bashkuara (USGS). Nurdagi ndodhet përgjatë kufirit Turqi-Siri dhe tërmeti u ndje në disa vende të rajonit, duke përfshirë Sirinë dhe Libanin. Ndërtesat u shembën në Kahramanmaraş, Gaziantep, Diyarbakır, Malatya, Şanlıurfa, Adıyaman, Hatay, Adana dhe Osmaniye u shkatërruan. Tashmë ka nisur një operacion kërkim-shpëtimi. Paslëkundjet deri më tani raportohet të kenë qënë mbi 18.
Discussion about this post