Shkon në dy numri i viktimave në Klos, ndërron jetën babi i 17-vjeçarit (EMRI)

Thellohet bilanci i ngjarjes së rëndë në Klos. Mësohet se ka ndërruar jetë, Liri Shira babai i 17-vjeçarit, Kenado Shira, i cili u ekzekutua ditën e sotme në qendër të qytetit. Mësohet se i ati i të miturit nuk arriti t’u rezistonte plagëve të marra dhe si pasojë ndërroi jetë, duke e çuar në dy numrin e viktimave.

Ndërkohë mësohet se të plagosur nga të shtënat me armë kanë mbetur edhe dy persona të tjerë të cilët po mjekohen në spital. Më herët u bë me dije se të shtënat me armë kishin ardhur pas degradimit të konfliktit mes dy fiseve, Shira dhe Mjeshtri.

Policia është vënë në kërkim të autorit Besnik Mjeshtri i cili është larguar me shpejtësi nga vendngjarja.