Teksa situata e zjarrit në Vlorë ka dalë jashtë kontrollit duke rrezikuar edhe banesat që ndodhen pranë, kryebashkiaku i Vlorës Dritan Leli ka shkuar për të parë nga afër situatën. Leli është përplasur me qytetarët të cilët i kanë kërkuar shpjegime për situatën e rëndë.
Në gjendje kritike ndodhet Panaja, ku burimet për Gijotina.com raportojnë se situata e deritanishme është shumë e rëndë.
Zjarri ka bllokuar rrugën e vjetër nacionale Vlorë-Fier, duke detyruar mjetet që të kalojnë përmes flakëve. Nëse përhapja ndodh me këtë shpejtësi, mund të rrezikohet fshati Bestrovë, që ndodhet vetëm 2 kilometra larg vatrës së zjarrit.
Për shkak të terrenit të vështirë, ndërhyrja me forcat zjarrfikëse nuk mund të bëhet dot, ndaj aktualisht kërkohet ndihmë nga ajri, për të shuar flakët me helikopter.
