Shkon për të peshkuar në lumë/ Burrit i bie grepi në kontakt me telat e tensionit të lartë

Policia e Korçës njofton se një burrë ka qenë duke peshkuar në fshatin Voskopojë, kur grepi ka rënë në kontakt me telat e tensionit të lartë.

Rënia e grepit në kontakt me telat e tensionit të lartë ka shkaktuar shkarkesë elektrike.

Si pasojë e shkarkesës, shtetasi A. S., ka pësuar djegie në trup. Ky shtetas është transportuar në spital, për ndihmë mjekësore dhe është jashtë rrezikut për jetën.

Grupi hetimor, nën drejtimin e Prokurorisë, po punon për të sqaruar rrethanat e ngjarjes.