Një 27 vjeçar ka mbetur i shtangur, ndërsa ka tentuar të grabisë nën kërcënimin e thikës një argjendari në Krujë. Ajo që nuk kishte menduar grabitësi ishte reagimi i pronarit, i cili i ka drejtuar atij pistoletën, duke e detyruar që të hiqte dorë nga ‘misioni’ për të cilin ishte nisur.
Njoftimi i policisë
Specialistët për Hetimin e Krimeve të Komisariatit të Policisë Krujë arrestuan shtetasin R. S., 27 vjeç, si dhe proceduan në gjendje të lirë shtetasin L. G., 29 vjeç, banues në Krujë.
Shtetasi R. S., ka tentuar të vjedhë me dhunë, nën kërcënimin e një mjeti prerës, në argjendarinë e shtetasit L. G., ndërsa ky i fundit e ka kanosur me armë, të cilën e mbante me leje, shtetasin R. S.
Në cilësinë e provës materiale u sekuestrua mjeti prerës si dhe u bllokua arma.
Discussion about this post