Ministri grek i Mbrojtjes së Qytetarit, Ioanis Ikonomu do të vizitojë Tiranën në datën 14 shtator.
Ikonomu do të vijë në Tiranë për Samitin e Ministrave të Rendit të vendeve të nismës së Berlinit.
Përveç takimeve në kuadër të këtij samitit, ai do të ketë takim kokë më kokë me homologun e tij shqiptar Taulant Balla, si dhe eksponentë të politikës Shqiptare.
Nismat e partneritetit rajonal, por edhe çështje të bashkëpunimit dypalësh, do të jenë në vëmendje të dy ministrave, ku lufta kundër narkotikëve dhe lufta kundër krimit ndërkufitar, do të jenë kryefjala e bisedimeve mes tyre.
Ky është takimi i parë në nivel ministror mes dy vendeve qëkur marrëdhëniet dypalëshe patën një ftohje për çështjen arrestimit të Fredi Belerit në maj të këtij viti.
Discussion about this post