Shkrumbohet makina luksoze, mjeti në pronësi të një personi me precedent penal (Emri)

Përfshihet nga flakët në orët e para të mëngjesit një mjet tip Range Rover.

Mësohet se ngjarja është regjistruar në lagjen nr 1 të Pogradecit, ku mjeti tip është djegur thuajse plotësisht.

Sipas burimeve, mësohet se mjeti është në pronësi të Erion Maxharit, i njohur për policinë e Pogradecit.

Ky i fundit ka precedentë të mëparshëm penalë për vepra të ndryshme ndërsa ditën e zgjedhjeve ka qenë një prej të arrestuarve që u përfshi në një konflikt fizik me një nga komisionerët.

Maxhari ka qenë polic në doganën e Qafë-Thanës. Në vitin 2018, ai u arrestua së bashku me tre policë të tjerë, akuzoheshin si ishin pjesë e një grupi për trafikun e klandestinëve nga Shqipëria në SHBA, Kanada dhe Angli.

Ata shpërdoruan detyrën duke mos kryer regjistrimin e shtetasve të kontrabanduar. Nga 51 persona të përfshirë në këtë grup, 39 prej tyre u arrestuan në Shqipëri, mes tyre edhe 4 policët.

Nga ana e grupit hetimor po bëhet kqyrja e vendit të ngjarjes si edhe janë marrë kamerat e sigurisë të zonës për të zbardhur ngjarjen pasi ka dyshime që zjarrvënia mund të jetë e qëllimshme.

Megjithatë shkaku i zjarrit nuk konfirmohet ende zyrtarisht.

Pogradec/Informacion paraprak

Më datë 26.02.2026, rreth orës 03:50, në lagjen nr.1, Pogradec, ka rënë zjarr në automjetin e shtetasit E. M., i cili ka qenë i parkuar.

Grupi hetimor po punon për sqarimin e rrethanave të ngjarjes dhe përcaktimin e shkakut të rënies së zjarrit.