Dy banesa në fshatin Spanesh, në bashkinë Rrogozhinë janë djegur nga flakët ditën e sotme. Mësohet se si pasojë e flakëve janë bërë të pabanueshme të dyja banesat, pasi janë shkrumbuar totalisht.
Po ashtu, janë djegur edhe 250 rrënjë ullinjsh shekullorë dhe qindra pemë frutore, ndërsa zjarri është vënë tashmë nën kontroll. Bëhet me dije se, ndërhyrja e shërbimit zjarrfikës shmangu djegien e dhjetëra banesave.
Deri më tani nuk dihen shkaqet e vërteta, por dyshohet për zjarrvënie të qëllimshme, ndërsa policia po heton për të zbardhur detajet e nevojshme.
