Shkrumbohet automjeti në Qafë-Thanë, çfarë dyshohet

Ditën e sotme, 65-vjeçari N. Gjoka i ka shpëtuar fatmirësisht djegies së “Benz”-it.

Në orët e para të mëngjesit, mjeti i tipit ‘Benz’ është përfshirë nga flakët në aksin rrugor Qafë Thanë-Përrenjas.

Sipas informacioneve paraprake, dyshohet se një masë elektrike në motor ka bërë që makina të përfshihet nga flakët.

Drejtuesi i mjetit N. Gjoka 65 vjeç nga Durrësi ka arritur të dalë në kohë nga mjeti duke shpëtuar nga dëmtimet.

Është bërë e mundur fikja e flakëve nga zjarrfikësit e Përrenjasit, sikurse larja e rrugës pasi prania e vajit mund të shkaktojë të tjera aksidentet në këtë zonë.

Policia gjithashtu nisi hetimet rreth kësaj ngjarje për të zbardhur shkaqet e të djegies së mjetit.