Vëllai ish kreut të Gardës Ndrea Prendi ka humbur jetën pasi banesa e tij u përfshi nga flakët. Nikoll Prendi ndodhej i vetëm në shtëpi, ndërsa dyshohet se një bombol gazi ka shpërthyer duke i marrë jetën 65-vjeçarit.
Ngjarja e rëndë ka ndodhur në rreth orës 13:40, në fshatin Reps të Mirditës, si pasojё e shpërthimit të një bombole gazi. 65-vjeçari ka tentuar të shuajë flakët, por është asfiksuar nga tymi e si pasojë ka ndërruar jetë.
Shërbimet e Policisë dhe të zjarrfikëses kanë shkuar në vendin e ngjarjes por e kanë gjetur pa shenja jete 65-vjeçarin Nikoll Prendi.
