Shkrumbohet biznesi në Sarandë, detajet e para

Një biznes është përfshirë nga flakët mesnatën e kaluar në qytetin e Sarandës.

Bëhet fjalë për një agjensi makinash me qira në pronësi të Ilia Hysit, teksa objekti ndodhet në hyrje të rrugës së katërt, lagja “Skënderbeu”.

Mësohet se zjarri ka shkaktuar dëme të konsiderueshme, edhe pse një zjarrfikëse shkoi në vendin e ngjarjes për vënien nën kontroll të flakëve.

Burime bëjnë me dije se nga hetimet paraprake nuk rezulton për një zjarr vënie të qëllimshme, por aksidentale, pasi dyshohet se zjarri ka nisur te kutia shpërndarëse e energjisë elektrike.