Shkrumbohet makina pa targa në Fier, policia: Po punojmë për të gjetur shoferin

Një automjet  tip “Volkswagen” pa targa është gjetur i djegur plotësisht në Frakull të Fierit.

Burime zyrtare nga policia bëjnë me dije se po punohet për të identifikuar personin që e ka në pronësi dhe shkakun e djegies së automjetit.

“Në fshatin Frakull, Fier, është gjetur i djegur plotësisht një automjet tip “Volksëagen”, pa targa. U kryen veprimet hetimore dhe po punohet për identifikimin e pronësisë së mjetit dhe përcaktimin e shkakut të djegies së këtij automjeti”, njofton policia.

Materialet i kaluan Prokurorisë, për veprime të mëtejshme procedural.