Shkrumbohet nga flakët mjeti në Durrës, i dyti brenda tre javësh në atë zonë

Një makinë është shkrumbuar nga flakët në orët e para të mëngjesit të sotëm në Durrës. Mësohet se, automjeti ka qenë i parkuar pranë banesës së pronarit në lagjen 17 të qytetit.

Sipas banorëve, makina ka marrë flakë rreth orës 04.20 të mëngjesit të sotëm, ku fatmirësisht nuk ka pasur asnjë të lënduar, por vetëm dëme materiale.

Burimet bëjnë me dije se tre javë më parë është djegur edhe një automjet tjetër në këtë zonë. Djegia e mjetit është shoqëruar edhe me një shpërthim të fortë, ndërsa pritet të përcaktohet shkaku.