Një market është përfshirë nga flakët në orët e vona të mbrëmjes së djeshme në Durrës. Ngjarja ka ndodhur në zonën e Plepave, ku flakët kanë shkrumbuar totalisht biznesin.
Përhapja e flakëve është ndikuar edhe nga materialet dhe produktet që ndodheshin brenda në dyqan.
Deri më tani nuk raportohen persona të lënduar, ndërsa dëmet materiale janë të shumta.
Ende nuk dihet shkaku i rënies së zjarrit.
Sipas të dhënave paraprake, zjarri dyshohet të jetë shkaktuar nga një prizë e mbingarkuar nga pajisjet frigoriferike, e cila ka bërë masë elektrike.
Zjarri ka rënë rreth orës 04:00, sipas burimeve nga Reparti Zjarrfikës i Durrësit.
Ndërhyrja e menjëhershme ka bërë të mundur izolimin e flakëve, duke shmangur përhapjen e tyre në pjesën tjetër të qendrës tregtare.
Discussion about this post