Orët e para të mëngjesit të sotëm, një shtëpi ka marrë flakë në fshatin Kodhel të Lezhës.
Shtëpia e shtetasit Landi Marku është shkrumbuar nga flakët, teksa forcat zjarrfikëse janë gjendur menjëherë në vendngjarje.
Nuk dihet ende shkaku i përhapjes së flakëve të zjarrit. Fatmirësisht nuk ka të lënduar nga zjarri dhe banorët e shtëpisë kanë mundur të dalin në kohë nga banesa.
Kryefamiljari, Land Marku ishte larguar për në punë. Ka qenë djali, ai që ka parë flakët dhe më pas ka lajmëruar anëtarët e tjerë të familjes për të dalë jashtë.
“Kam shkuar në punë si çdo ditë. E kam lënë familjen, kur ka parë djali flakën ka thirrur motrat e veta. Kanë parë në tavan flakën. Shkëndija elektrike, ka marrë direkt. Unë isha në punë, djali ka hap dyert ka dalë direkt jashtë”, thotë kryefamiljari.
Ai bën apel për ndihmë duke thënë se tashmë është i detyruar të dalë e të jetojë në plastmas, pasi në banesë nuk i ka mbetur më asgjë.
“Vetëm muret kanë mbetur. Kërkoj me më ndihmu. S’ka mbet asgjë”, apelon Marku.
Discussion about this post