Një automjet Golf 5 është shkrumbuar nga zjarri këtë të mërkurë në qytetin e Vlorës. Policia bën të ditur se ngjarja ka ndodhur në lagjen “15 Tetori”, ndërsa shkaqet e rënies së zjarrit janë ende të paqarta.
Fatmirësisht nuk raportohet për persona të lënduar.
Selamet Maze është pronari i makinës së djegur gjatë natës në Vlorë.
Ai shprehet se nuk ka pasur asnjë konflikt me askënd dhe se nuk e di shkakun e zjarrit në makinë, ndërsa dyshohet se është një zjarrvënie e qëllimshme. Për këtë rast janë duke u vëzhguar dhe kamerat e sigurisë të bizneseve aty pranë apo dhe banesave në atë lagjen 15 tetori.
“Sot, në lagjen “15 Tetori”, Vlorë, ka rënë zjarr dhe është djegur një automjet ‘Volkswagen’, në përdorim të shtetasit S. M, ku ka vetëm dëme materiale.
Grupi hetimor po punon për sqarimin e plotë të rrethanave të ngjarjes”, njofton policia.
Discussion about this post