Shkuan në çadër dhe u ngacmuan gratë, pushuesit bëjnë për spital dy të rinjtë në Vlorë

Një sherr masiv ka ndodhur ditën e sotme në plazhin e Vlorës, ndërsa mësohet se ka pasur të lënduar dhe plagosur.
Dyshohet se shkak i sherrit janë bërë të cilët kanë ngacmuar dy gra, teksa po rrinin në çadër. Kaq ka mjaftuar që bashkëshortët dhe familjarët e tyre të ndërhyjnë pasi kanë parë të gjithë skenën. Ata janë konfliktuar me dy të rinjtë.
Mendohet se sherri ka agravuar aq shumë saqë pas sherrit 3 persona kanë përfunduar të gjakosur.
Mësohet se pas sherrit plazhistët kanë njoftuar policinë dhe ambulancën për t’u ardhur në ndihmë të lënduarve.
Ndërkohë, burime nga policia bëjnë me dije se pas sherrit janë paraqitur në spital për ndihmë mjekësore, 38-vjeçari A.B dhe 42-vjeçari K.A. Më tej, bëhet me dije se ngjarja ka ndodhur në plazhin e quajtur “Vega”, Vlorë.
“Sot, në spitalin e Vlorës, janë paraqitur për ndihmë mjekësore shtetasit A. B., 38 vjeç dhe K. A., 42 vjeç, të cilët dyshohet se janë konfliktuar fizikisht, për motive të dobëta, me tre shtetas të tjerë, ende të paidentifikuar, në plazhin e quajtur “Vega”, Vlorë.”-njofton policia.