Analisti Armand Shkullaku është shprehur se Tirana është një kaos total.
“Tirana është një kaos total, që edhe për tu pastruar, pastrohet në mënyrë korruptive. Ne sot paguajmë lekë për ti dërguar plehrat në incenerator, por në fakt nuk e kemi këtë shërbim”, tha Shkullaku gjatë debatit në emisionin ‘Çim Peka LIVE’ në SYRI TV.
“Tiranës, gjatë qeverisjes Rama-Veliaj i është bërë krimi më i madh që mund ti jetë bërë ndonjë qyteti në historinë e Europës. Tirana nga Rama dhe nga Erion Velaij në tentativë, është parë si plaçkë lufte për të kapur postin kryeministrit. Gjithçka, gjithë resurset e Tiranës janë përdorur në mënyrë barbare për interesa të një individi të vetëm, herë të Ramës dhe herë të Veliajt. Imagjinoni, 1 mln njerëz janë peng i tekave, fushatave dhe propagandës së këtyre dy njerëzve. Duhet të themi se bëjmë teatër modern, duhen ca lek për biznesmenin Fusha, prishet identiteti historik i kryeqytetit. Dhe ky është krimi numër dy mendoj unë, krimi më i madh që i është bërë Tiranës është shkatërrimi i identitetit. Kemi një kullë me stadium, ke një teatër që nuk ekziston më. Tirana, qyteti me 1 milionë banorë, sot nuk ka asnjë kinema. Duke mos pasur këtë identitet që them unë, njerëzit nuk i lidh më asgjë me qytetin, nuk kanë më rrënjë, nuk kanë më gjë për të treguar, dhe ikja, e braktisja është normale, siç po ikin në periferi apo dhe jashtë, ku nënat kanë ku dalin me karrocë, apo ku mund të shëtisësh.
Sot jemi në një qytet që nuk ka impiante moderne të filtrimit dhe pastrimit të ujërave të zeza. Sot kemi kulla me dendësi të Manhatan dhe poshtë kanalizimet janë të kohës së Enver Hoxhës. Ne kemi sot rrugë që hapen, ndërtohen me paratë e qytetarëve dhe pas 6 muajsh hapet prap se nuk janë futur kabujt. Tirana është një kaos total, që edhe për tu pastruar, pastrohet në mënyrë korruptive. Ne sot paguajmë lekë për ti dërguar plehrat në incenerator, por në fakt nuk e kemi këtë shërbim. Tirana ka edhe një problem kryesor mendoj unë. Sot Tirana, shumë ndryshe nga kryeqytetet në Europë nuk prodhon shkencë, dije, argëtim për të rinj, kreativitet. Por deri tani jo, këtu prodhohet vetëm konsum, kafe, zyra me qira, llaç”, tha Shkullaku.
Discussion about this post