Një tërmet me fuqi prej 4.4 shkallësh të Rihterit u regjistrua të shtunën në veri të Italisë, njoftoi Instituti Italian i Gjeofizikës dhe Vullkanologjisë. Lëkundjet ndodhën afër qytezës Bonate Sotto, jo larg qytetit të Bergamos, njoftoi instituti italian. Tërmeti u ndie fuqishëm edhe nga banorët e Milanos, që është qyteti i dytë më i madh në Itali.
Rreth 30 minuta pas tërmetit, departamenti kombëtar i zjarrfikësve tha se nuk ka marrë raportime për dëme ose thirrje për ndihmë. Më herët të shtunën, një tërmet prej 5.4 shkallësh ndodhi në jug të Greqisë, në detin mes Peloponezit dhe Kretës, raportoi Instituti Gjeodinamik i Athinës.
Discussion about this post