“Më falni, duhet të shkoj të shikoj fëmijët”, këto ishin fjalët e para që biznesmeni Davide Pecorelli tha kur është përballur me kamerat, pas zbulimit të tij ditën e djeshme. Mësohet se në momentin që gazetari i është afruar për ta pyetur, Pecorelli, i veshur me një palë pantallona të shkurtra, kapuç, syze dhe maskë anti-Covid, është larguar me nxitim, duke thënë se duhet të shkojë tek fëmijët. “Më falni duhet të gjej, kam folur me ish-gruan. Do flas me prokurorin të hën pasdite dhe gjithçka do e merrni vesh prej tij, përmes konferencës, më falni, duhet të shkoj të shikoj fëmijët,”– thotë Pecorelli.
Theksojmë se 45-vjeçari u zbulua nga autoritetet e ishullit ku gjendej në Itali, pasi iu dogj motori i gomones që kishte marrë me qira. Pecorelli u identifikua përmes shenjave të gishtërinjve, pasi bazuar në dokumentet e reja që kishte, rezultonte shtetas rumun. Nesër ai do të merret në pyetje.
