Në ditët e fundit, shoferët në të gjithë vendin janë dyndur në sportele për bërë rinovimin e patentës dhe për të shmangur Pit-Stopin Edukativ si një risi e shërbimit. Pit-Stopin Edukativ do të bëjë që të gjithë ata shoferë që regjistrojnë shumë shkelje në qarkullim do të ri-testohen për të mbajtur në fuqi patentën e tyre.
Përmes një njoftimi në faqen e saj zyrtare, DPSHTRR shprehet se është gjë e mirë që shoferët janë zgjuar nga ky vendim i ri, për t’u treguar më të përgjegjshëm, pro nga ana tjetër sqaron se ky lloj testimi nuk prek shoferët që janë korrekt. “Tregues pozitiv është fakti që risia e Pit-Stopit Edukativ ka shkundur edhe shumë individë që kanë vite pa e rinovuar lejedrejtimin dhe që vijonin ngisnin mjetet rrugore me lejedrejtimi të skaduara, në kundërshtim me ligjin” njofton DPSHTRR.
Ndër të tjera DPSHTRR thekson se Pit-Stop Edukativ do të bëhet për ata që shkelin rregullat në mënyrë të përsëritur dhe thekson se nuk do të ketë kosto shtesë. “Do të ketë një Pit-Stop Edukativ për këdo që sistemi i Policisë Rrugore e alerton si kontigjent përsëritës, me tre shkelje të rënda, me heqje pikësh, në vitin e fundit paraardhës. Do të ketë një Pit-Stop Edukativ për këdo që rinovon Lejedrejtimin nëse ka mbi tre vjet që i ka skaduar! Nuk ka asnjë tarifë shtesë për ata që do t’i nënshtrohen Pit-Stopit Edukativ”, thuhet në njoftim. Ndërsa shoferët duket se e kanë marrë me frikë këtë proces prandaj nxitojnë të paguajnë shkeljet e bëra.
Discussion about this post