Rreth orës 15:00, në aksin rrugor Këlcyrë-Ballaban, është përplasur në afërsi të fshatit Bedyqas, automjeti tip “Mitsubishi”, me drejtues shtetasin A. B., 37 vjeç, banues në Tiranë. Sipas burimeve shoferi ka humbur kontrollin e automjetit edhe për shkak të asfaltit të lagur dhe si pasojë makina ka dal nga rruga.
Nga përplasja e automjetit është dëmtuar pasagjeri, i cili është babai i drejtuesit të mjetit, shtetasi A. B., 62 vjeç, banues në Tiranë, i cili është transportuar për në spitalin Rajonal Gjirokastër.
Burimet bëjnë me dije se, në vendngjarje kanë shkuar shërbimet e policisë, grupi hetimor po kryen veprimet e mëtejshme për përcaktimin e shkaqeve të aksidentit. Deri më tani nuk dihen ende shkaqet kryesore të aksidentit, por dyshimet e para të policisë tregojnë se aksidenti mund të ketë ndodhur për shkak të shpejtësisë tej normave të lejuara dhe për shkak se asfalti ishte i larguar nga shirat.
