Një letër ‘famëkeqe’ është publikuar sot për ish-presidentin e SHBA-ve, Barack Obama, sipas medias amerikane ‘New York Post’.
Në letrën e publikuar bëhet me dije se ish-presidenti i ka shkruar ish të dashurës së tij se ai mund të të bëjë dashuri me burra çdo ditë, e cila është shkruar nëntor 1982 për Alex McNear. Letra është publikuar nga historiani David Garrow në qershor të këtij viti, i cili zbuloi se ish-presidenti amerikan, në shumë raste kishte fantazi për takime personale me burra.
“Për sa i përket homoseksualizmit, më duhet të them se mendoj se kjo është një përpjekje për t’u larguar nga e tashmja, një refuzim ndoshta për të përjetësuar farsën e pafund të jetës tokësore. E shihni, unë bëj dashuri me burra çdo ditë, por në imagjinatën time”, i shkroi 21-vjeçari Barack Obama Alex McNear në nëntor 1982.
“Mendja ime është kryesisht androgjene dhe shpresoj të jem në gjendje të mendoj në termat e ‘njerëzve’ dhe jo me ‘gratë në krahasim me burrat’. Por, duke u kthyer në trupin tim, shoh që jam bërë burrë dhe fizikisht në jetë, zgjedh ta pranoj këtë mundësi”, shtoi ai.
Alex McNear, e cila ishte në lidhje me Obamën më vonë publikoi letrën për mediat, të cilën historiani fitues i çmimit Pulitzer e përfshiu në librin e tij.
Letra aktualisht është në pronësi të Universitetit Emory, i cili nuk lejon fotografimin ose marrjen. Megjithatë, miku i historianit Garroë, Harvey Klehr i shkroi paragrafët me dorë dhe ia dërgoi autorit.
Nga ana e tij, historiani David Garroë komentoi se nuk kishte asgjë të pazakontë në mendimet rinore të Obamës. “Unë jam një historian, jo një psikolog, por mendoj se shumica (dërrmuese?) e njerëzve kanë fantazi seksuale!” theksoi ai.
Barack Obama është baba i dy fëmijëve dhe është i martuar me Michelle që nga viti 1992./Panorama
Discussion about this post