Në rubrikën “Rrethi Katror” në E Diell pasditen e djeshme gazetari Milaim Zeka foli për atë çfarë ai mendon se ka ndodhur realisht me Osama Bin Laden.
“Lufta globale ka marrë krejt dimension tjetër. Ata u larguan në kohën e Sadam Husein, u larguan në Irak, konsideroheshin si aleatët e Perëndimit.
Muxhahedinët e Irakut, i ka ndihmuar dhe sponsorizuar Sadam Husein, kjo tregon se në politikën amerikane, ata bëjnë politika ditore.
Kujtojmë që edhe Osama Bin Laden, ka qenë dikur i ftuar në shtëpinë e familjes Bush. Ka qenë mik i Bush-ëve, dhe nuk do të thotë që e kanë vrarë ata. Nuk besoj që Osama Bin Laden është vrarë. Asnjëherë nuk kam besuar. Se fakti që u tha se kufoma e tij u hodh në det, kjo do të thotë që mos ta kërkojë dikush, dhe jam i sigurtë që po punon diku për CIA-n amerikane dhe ka zhbirilu të gjitha organizatat terroriste në Lindjen e Mesme,” tha Zeka.
Discussion about this post