Policia e Durrësit prangosi një 19-vjeçar pasi gjatë një sherri banal, ka goditur me thikë shokun e tij. Një tjetër sherr që ka lënë të plagosur po me mjet prerës ka ndodhur dhe mes disa të rinjve të tjerë. Forcat e Rendit shpallën në kërkim një 17-vjeçar që dyshohet se ka qëlluar me thikë një 20-vjeçar dhe një 23-vjeçar.
Specialistët për Hetimin e Krimeve në Policinë e Krujës po punojnë për identifikimin e autorit dhe sqarimin e rrethanave të ngjarjes, pasi në aksin rrugor Thumanë-Fushë Krujë, gjatë natës, një shtetas i paidentifikuar, për motive të dobëta ka kanosur shtetasin L. B., 28 vjeç, banues në Kosovë, i cili po udhëtonte me automjetin e tij.
I riu nga Kosova ka deklaruar në denoncimin e tij se ngjarja ka ndodhur për motive të dobëta. Materialet i kaluan Prokurorisë për veprime të mëtejshme procedurale.
Discussion about this post