Ditën e nesërme, Tirana do të luajë kundër Besiktas në “Air Albania” ndeshjen e kthimit të vlefshme për turin e dytë të UEFA Europa Conference League.
Në prag të kësaj sfide ka folur në konference për shtyp trajneri i turqve, Senol Gunes, i cili është treguar disi ‘tepër i drejtpërdrejtë” në lidhje me disa aspekte të takimit të nesërm, nga kundërshtari deri te tapeti i stadiumit ku do të luhet sfida:
“Duke parë nga ndeshja e parë Tirana është ekip që luan në grup. Zhvillon lojën e saj dhe ka lojtarë të mirë. Ne duam kualifikimin dhe rezultatin tonë. Ne njohim Abazajn dhe Selmanin që kalnë luajtur në Turqi. Ata lujanë në grup dhe eshtë gjë e mirë.
Kritikat më të zjarrta i rezervoi për fushën e blertë:
“Stadiumi është shumë i mirë, por jam i pakënqaur me barin e fushës që mund të ndikojë për keq në ndeshjen e nesërme.”
Në fund, “Senoli nga Turqia”, shfaqi një lloj arrogance kur u pyet për nivelin e kundërshtarit duke u shprehur se nuk ka nivelin e Besiktasit.
“Me sa kam arritur të studioj Tiranën, Shehi ka bërë një punë të mirë duke parë dhe sezonin e shkuar ku ka zhvilluar ndeshje të mira në kampionat dhe Europë. Tirana është ekip kompetitiv por jo në nivelin e Besiktas. Në raport me ne është një skuadër e vogël. Ka bërë shumë zhvillime dhe i uroj suksese trajnerit Shehi.”
Discussion about this post