Janë shokuese detajet që kanë dalë në dritë në lidhje me aksidentin tragjik të ndodhur mëngjesin e së martës në Kretë ku 35-vjeçari shqiptar u pre nga sharra elektrike. Mediat e huaja shkruajnë se sipas informacioneve më të reja, ngjarja duket se ka ndodhur para syve të dëshmitarëve të cilët janë tronditur dhe kanë njoftuar autoritetet.
Siç raportohet, 35-vjeçari fatkeq kishte shkuar në vendngjarje për të kryer punë bujqësore. Në tentativën e tij për të pastruar ullinjtë, ai humbi ekuilibrin, si pasojë u rrëzua anash dhe sharrë elektrike me zinxhir që mbante i rrëshqiti nga duart dhe i shkaktoi një plagë të thellë në qafë, e cila shkaktoi shkëputjen e pjesshme të kokës nga trup!
Por më tronditës është detaji që dëshmitarët dëgjuan një britmë dhe më pas heshtje absolute. Shqiptari 35-vjeçar dhe baba i dy fëmijëve ishte prej disa kohësh në zonë dhe puna e tij kryesore ishte bujqësia.
Discussion about this post