Anita Shushku, kryetare e Shoqatës së Burimeve të Rinovueshme deklaroi ditën e sotme se, ligjet kaotike kanë mbajtur peng investimet, kryesisht në prodhimin e energjisë nga dielli dhe era.
Sipas saj, për shkak të neglizhencës dhe keqmenqaxhimit të qeverive në vite nga vendi më i pasur ne po futemi në krizën më të thellë të këtyre burimeve, që do sjellin pasoja të rënda ekonomike.
“Këtu ligjet ndryshojnë çdo vit, nuk ka asnjë vend tjetër në botë që të bëjë kaq shumë ndryshime rregullash në mes të lojës. Ne kemi një ligj për prodhimin e energjisë nga dielli dhe era, por që nga viti 2007 deri në 2019, ne nuk kishim një çmim të përcaktuar për energjinë nga këto dy burime. Nga ana tjetër, bizneset hasin vështirësi në marrjen e lejes së ndërtimit, edhe kur kanë një licence për të ushtruar aktivitet”
Më tej, zonja Shushku, apelon që qeveria të hapë dritën jeshile edhe për investime më të vogla në këtë sektor, dhe mos të fokusohet vetëm tek investimet e mëdha.
