Shoqata e të Verbërve të Shqipërisë ka dërguar një letër të hapur Ministres së Shëndetësisë dhe Mbrojtjes Sociale, znj. Albana Koçiu dhe Zëvendësministres znj. Denada Seferi, ku shpreh indinjatën dhe shqetësimin ndaj trajtimit të personave të verbër në Shqipëri.
Shoqata e të Verbërve të Shqipërisë denoncon braktisjen totale të shtetit ndaj kësaj kategorie të cenueshme, duke theksuar se politikat e qeverisë kanë çuar në diskriminim sistematik dhe kanë shkelur ligjet dhe Kushtetutën që parashikojnë mbështetje dhe shërbime për personat me aftësi të kufizuara
Ata i bëjnë thirrje Ministrisë që të ndërmarrë hapa të menjëhershëm për të rivendosur financimin dhe mbështetje direkte për shërbimet që janë jetike për të verbërit. Gjithashtu anë kërkuar që të respektohen ligjet në fuqi, si Ligji nr. 93/2014, që i jep shtetit detyrimin për të siguruar shërbime për personat me aftësi të kufizuara, përfshirë të verbërit. Shoqata ka nënvizuar se vendimi për të transferuar përgjegjësinë e ofrimit të shërbimeve për personat me aftësi të kufizuara tek pushteti vendor dhe organizatat jofitimprurëse është një akt i pastër neglizhence dhe një shmangie e përgjegjësisë qeveritare.
Discussion about this post