Shoqata e shqiptarëve në Amerikë, Vatra ka njoftuar se e ka anuluar takimin me deputetin e PD, Belind Këlliçin në SHBA.
Sipas tyre, takimi është shtyrë për arsye të kohës së limituar, duke i thënë me stil “ushtarit” të Sali Berishës që ata nuk e njohin Rithemelimin.
Deputeti i PD, një nga idhtarët më besnikë të Sali Berishës prej disa ditësh ndodhet në SHBA ku ka takuar disa kongresmenë amerikanë, për të dhënë një sinjal se foltoren e njohin dhe e mbështesin jashtë vendit.
Pra ky udhëtim, që përveç atleteve me lule, me të cilat Këlliçi është shfaqur në disa takime, nuk ka mundur dot të prodhojë ndonjë lajm për Rithemelimin që nuk e njeh askush nga ndërkombëtarët.
Ju rikujtojmë se Sali Berisha deri tani nuk ka marrë asnjë urim apo reagim nga ndërkombëtarët pas zgjedhjeve farsë të Rithemelimit që e rikthen atë në krye të PD-së pas 9 viteve.
Postimi i Gazeta Dielli:
VATRA NJOFTIM MBI TAKIMIN ME DEPUTETIN KËLLIÇI
Të nderuar vatranë, media, miq, të ftuar, anëtarë të komunitetit shqiptaro -amerikanë. Ju njoftojmë se takimi më deputetin e Parlamentit të Republikës së Shqipërisë z. Belind Këlliçi planifikuar të zhvillohej ditën e martë në Selinë qëndrore të Vatrës anulohet për arsye objektive (koha e limituar).
I kërkojmë ndjesë vatranëve, të ftuarve dhe miqve tanë të shumtë për këtë ndryshim të jashtëzakonshëm të axhendës.
Në respektin dhe besimin e mirëkuptimit dhe vlerësimit tuaj të veçantë.
Grupi organizator.
Discussion about this post