Kreu i PD-së, Sali Berisha ka reaguar pas shoqërimit nga policia të kreut të Ballit Kombëtar, Adriatik Alimadhi në një lokal në rrugën e Dibrës në Tiranë.
Berisha deklaroi se Adriatik Alimadhi “u arrestua në lokalin e tij, vetëm pse u kërkoi, i pyeti: çfarë doni, pse keni ardhur”.
Kryedemokati theksoi se “ky regjim që nuk njeh ligj, nuk njeh Kushtetutë, nuk njeh normë as moral kur vjen puna për të grabitur, plaçkitur pasuritë e shqiptarëve”.
Sali Berisha: Është një nder i veçantë t’u përshëndes ju sot në këtë konferencë dhe të shpreh bindjen se sindikata e bashkuar e pavarur e Shqipërisë, sikundër në të shkuarën që qëndroi në krye të përpjekjeve të shqiptarëve për liri dhe demokraci, do qëndrojë në krye të përpjekjeve të shqiptarëve për t’u ndarë nga kjo e keqe e madhe që ka pllakosur Shqipërinë.
Nga ky regjim që riktheu në Shqipëri burgosjet politike, persekutimin politik.
Nga ky regjim që në vitin elektoral vendos të arrestojë liderët e tre partive kryesore opozitare dhe më së fundmi mbrëmë, në mënyrën më brutale, më staliniste, arreston kryetarin e një partie tradicionale, të Ballit Kombëtar, në lokalin e tij, vetëm pse u kërkoi, i pyeti: çfarë doni, pse keni ardhur, një bande me reformë.
Nga ky regjim që nuk njeh ligj, nuk njeh Kushtetutë, nuk njeh normë as moral kur vjen puna për të grabitur, plaçkitur pasuritë e shqiptarëve, buxhetin dhe për t’i zhytur ata gjithnjë e më thellë në mjerim.
Discussion about this post