“Shoqërinë Civile e ka prishur Veliaj”, Kalaja: Kontrollon protestat që organizohen nga qytetarët

Gazetari Aulon Kalaja, i cili ishte i pranishëm në takimin e kreut të PD-së, Sali Berisha me shoqërinë civile, u shpreh se shoqërinë Civile e ka prishur Erjon Veliaj. Sipas tij, gjithë njerëzit e tij janë te AMSHC, janë njerëz që marrin projekte, janë njerëz që i lëshon për të kontrolluar dhe policuar protestat që organizohen jo nga PD por nga qytetarët.

“Shoqërinë Civile e ka prishur Erjon Veliaj. Gjithë njerëzit e tij janë te AMSHC, janë njerëz që marri projekte, janë njerëz që i lëshon për të kontrolluar dhe policuar protestat që organizohen jo nga PD, por nga qytetarët. Dalin disa dhe thonë nuk duam politikë, PD kompleksohet edhe pse njerëzit e saj janë ata që mbushin sheshet. Jo mor jo, PD duhet të ndahet nga ky kompleks dhe të jetë në protestë pasi PD nga protestat kanë lindur. Prandaj ka lindur ai që quhet policim i shoqërisë civile. Ne duhet të jemi sot të gjithë bashkë për një front rezistence besëlidhje me PD, pse çfarë ka PD, ka lebrozë? PD është forca kryesore në vend dhe padiskutim që duhet të bashkohemi me PD dhe të gjitha forcat opozitare politike” – u shpreh Kalaja.