Policia e Shtetit ka zhvilluar një aksion të mbështetur nga Ujësjellës Kanalizime Elbasan përsa i përket lidhjeve të paligjshme të ujit në këtë qytet. Mësohet se janë shoqëruar dhjetëra qytetarë dhe biznesmenë nën dyshimin e vjedhjes së ujit të pijshëm.
Këta persona dyshohet se nëpërmjet lidhjeve të paligjshme në rrjet, vidhin ujin e pijshëm dhe shmangnin pagesën e detyrimeve që i detyroheshin Ujësjellës Kanalizime Elbasan.
Punonjës të U.K.E, të Policisë Bashkiake të mbështetur nga Policia, të shoqëruar edhe nga administratori i U.K.E Leli Kaja ndoqën nga afër verifikimet që po kryhen në terren ku edhe po bëhet ndërprerja e lidhjeve të paligjshme nga tubacionet kryesore që furnizojnë me ujë të pijshëm qytetin e Elbasanit.
Discussion about this post