R.B, që punonte si shofer i kazinosë, ku ishte e punësuar edhe keniania Joy Ayoko që ndërroi jetë, është shoqëruar në polici.
Policia ka ushtruar kontroll në banesën e Rodi Barçi. Ky i fundit është shoqëruar në komisariatin e policisë numër 1.
Keniania u dëmtua rëndë, teksa dyshohet se është dhunuar nga disa shqiptarë. Joy më pas u hodh edhe nga ballkoni. Ajo vdiq në një spital në vendlindje, në Kenia, pasi u transferua për atje.
Prokuroria e Tiranës ka dërguar letërporosi prokurorisë së Kenias dhe i ka kërkuar që t’i vërë në dispozicion autopsinë që i është bërë 22-vjeçares në morgun e spitalit ku ndërroi jetë. Kjo kërkesë vjen në kuadër të hetimeve të prokurorisë së Tiranës për vdekjen e Joy Ayoko. 22-vjeçarja ndërroi jetë në Kenia. 22-vjeçarja u largua nga Shqipëria më 25 janar të këtij viti, drejt vendlindjes për t’u mjekuar në spitalin Kenyatta, në Kenia, aty ku dha frymën e fundit.
Discussion about this post