Është liruar nga qelia, ish-polici i forcave operacionale Jeton Lami, i cili akuzohet për “shpërdorim detyre” lidhur me shoqërimin e të shumëkërkuarit Ervis Martinaj.
Mësohet se Jeton Lamit i ka përfunduar dënimi. Lami është personi i fundit që është parë në shoqërinë e Ervis Martinajt, para se ky i fundit të zhdukej pa lënë gjurmë.
Ish-efektivi i Operacionales Jeton Lami u arrestua pas zhdukjes së të shumëkërkuarit Ervis Martinaj, ndërsa alarmin e ngritën familjarët e Martinajt.
Pak muaj me parë, Jeton Lami ka thyer heshtjen duke dhënë disa shpjegime të detajuara për sa i përket shoqërimit të Ervis Martinajt, por ka refuzuar të ketë dijeni për zhdukjen e tij.
Ai thotë se Martinajn e ka njohur 10 vite më parë, por thekson se nuk ka pasur miqësi apo lidhje të ngushtë.
Gjykata e Lezhës ka dënuar Lamin me 2 vite e 10 muaj burg ish-efektivin e policisë, Jeton Lami.
Për shkak të gjykimit të shkurtuar, Jeton Lamit iu ul 1/3 e dënimit.
Ervis Martinaj ishte person në kërkim ndërkombëtar, pasi Nuredin Dumani e akuzoi atë se i kishte premtuar 500 mijë euro që të ekzekutonte rivalin e tij Endrit Dokle.
Discussion about this post