Në datën 20 shtator në orën 09:50 do të mbahet seanca për masën e sigurimit, për ish efektin Jeton Lami, i cili shoqëronte të shumëkërkuarin Ervis Martinajn para se ai të zhdukej.
Ish efektivi Jeton Lami akuzohet për shpërdorim detyre, pasi shoqëronte Martinajn, me qëllim që ky i fundit t’i shpëtonte aksioneve të Policisë.
Pas arrestimit te tij, prokurorët ranë në gjurmët e një vajze, e cila ndodhej në shoqërinë e të shumëkërkuarit ditë përpara se familjarët të trokisnin në dyert e Policisë dhe të kërkonin ndihmë.
Vajza është marrë në pyetje nga prokurorët dhe ka pranuar se kishte që nga muaji janar i këtij viti që shoqërohej me të shumëkërkuarin, me të cilin sikurse deklaron ishte njohur përmes rrjeteve sociale. Martianj rezulton i zhdukur që prej datës 9 gusht, dhe dyshimet kryesore janë që ai mund të jetë vrarë nga bandat rivale ose arratisur jashtë Shqipërisë.
Discussion about this post