Lideri rus Vladimir Putini, është duke humbur një ndër personat më të besuar të tij. Mësohet se një zyrtar i lartë i Kremlinit, përgjegjës për mbajtjen e çantës bërthamore të presidentit rus, është qëlluar në shtëpinë e tij pranë Moskës.
Vadim Zimin, 53-vjeç, po lufton me jetën. Njeriu besuar i Putinit u gjet i plagosur me plagë me armë zjarri në kuzhinën e shtëpisë së tij në Krasnogorsk, në Moskë.
Zimini u gjet nga i vëllai, i cili tha se e gjeti të shtrirë në tokë në një pellg gjaku dhe me një plagë në kokë. Pranë tij është gjetur edhe një pistoletë 79-9TM.
Ngjarja thuhet se ka ndodhur në një kohë që bashkëshortja e tij mjeke, ishte larg shtëpisë duke trajtuar të plagosurit nga lufta e Putinit në Ukrainë.
Së fundmi ai po përballej me akuzat për ryshfet dhe ishte në arrest shtëpie kur ngjarja ndodhi pasi iu bashkua shërbimit doganor pas largimit të tij nga shërbimet e sigurisë.
Koloneli Zimin për një kohë ta gjatë ka shërbyer si mbajtës i valixhes me kodet bërthamore të liderit rus, duke e shoqëruar atë kudo që shkonte.
Discussion about this post