Shoqja e kenianes: Ishte e lidhur me një bizmesmen shqiptar

Shoqja e Joy Aoko, 22-vjeçares nga Kenia që derdhet në spitalin e Traumës pasi u gjet e dhunuar poshtë hostelit ku qëndronte ka rrëfyer detaje nga jeta intime e të resë.

Në një intervistë për emisionin “Pa gjurmë”, e reja që ka të njëjtin emër si shoqja e saj, Joy Brenda është shprehur se e reja ka shprehur shqetësim për shoferin e kazinos që e përndiqte.

Ndërkohë, ajo thotë se 22-vjeçarja ishte në një marrëdhënie me një djalë shqiptar, një njeri të rëndësishëm e biznesmen.

Pjesë nga intervista:

Gazetari: Çkemi Joy?

Joy Brenda: Çkemi?

Gazetari: Je në Kenia tani?

Joy Brenda: Po

Gazetari: Dua të të pyes lidhur me diçka për shoqen tënde Joy? Keni të njejtin emër?

Joy Brenda: Po

Gazetari: Punoje në të njejtën kazino me Joyn?

Joy Brenda: Po

Gazetari: Shoqja jote Joy, të tha për ndonjë problem që mund të kishte? Çfarë dyshon ti? Mund të ketë qenë e mërzitur apo e frikësuar për ndonjë gjë?

Joy Brenda: Nuk mund të them e frikësuar. Personi i vetëm për të cilin ajo më ka folur është shoferi. “Ai djalë po më përndjek për dy javë”. Kjo ishte e vetmja ankesë që ajo kishte

Gazetari: E dini emrin e tij?

Joy Brenda: Po, emri i tij është …

Gazetari: E dini mbiemrin e tij?

Joy Brenda: Jo nuk e di

Gazetari: Sa vjeç është ai?

Joy Brenda: Ai është 32

SI NDODHI NGJARJA? 

Joy Aoko u gjet e dhunuar në orët e para të mëngjesit të 14 gushtit. Mikesha e saj hapi dritaren dhe poshtë hostelit ku jetonin pa një vajzë gjysmë të zhveshur e të shtrirë. Ajo zbriti menjëherë poshtë dhe zbuloi se bëhej fjalë për shoqen e saj dhe e dërgoi në spital.

Policia deri më tani ka shpërndarë një ‘njoftim të thatë’ përmes të cilit deklaron se ngjarja është regjistruar si ‘plagosje e rëndë me dashje’.

Autor të dyshuar, nuk ka ende! Në pyetje janë marr të gjithë personat që ishin në rrethin e të resë që punonte në kazinonë pranë ‘Air Albanians’, por deri më tani nuk ka pasur asnjë të prangosur. Mikeshat e saj dhe shoferi janë pyetur gjithashtu, por rrethanat e dhunimit të saj janë ende të panjohura, për aq kohë sa vetë e reja nuk flet dot ende.