Monika Lubonja pas daljes së saj nga shtëpia e “Big Brother Vip”, ia ka dalë të tërheqë vëmendje kurdoherë me deklaratat e saj.
Por, edhe gjatë qëndrimit brenda shtëpisë shumë shprehje të saj janë bërë virale kudo. Ndër to deklarata e saj në BBV, ku e ka konsideruar brezin e sotëm, si brez “patatinash”. Këtë fragment ia ka risjellë në vëmendje edhe një herë shoqja e saj, e cila në Instastory shfaq disa fëmijë duke luajtur shah në shkallët e pallatit.
“Monikë, ja brezi i patatinave si thua ti. Lozin shah jo si brezi juaj që hanit fara.”-dëgjohet të thotë mikesha e saj në video.
E menjëhershme ka qenë edhe përgjigja e aktores e cila shprehet se edhe kur hanin fara të paktën i këpusnin vetë.
“Ne ishim ai brez që edhe kur hanim fara, atë lulediellin e këpusnim vetë. Pra, nuk nxirrnim lekë nga xhepi. E justifikonim me aksionet që bënte shkolla. Pra, me djersën tonë o ti cucë.”
Ju kujtojmë që Monika Lubonja ka folur si rrallëherë për jetën personale dhe partnerët e saj pas divorcit. E ftuar në ‘Goca dhe Gra’ ku është diskutuar rreth vështirësive të grave të divorcuara dhe me fëmijë për të rigjetur dashurinë, Monika u shpreh se në vendin tonë gjërat janë të vështira dhe se opinioni ‘është i frikshëm’. Por, shtoi se pas divorcit ajo ka patur mbështetjen e familjes.
Lidhur me marrëdhënien e vajzës së saj, Tea, me partnerët e saj, aktorja tha se ka gjetur gjithnjë ekuilibrin dhe se ajo e ka kuptuar duke qenë shumë e hapur.
Discussion about this post