Është hedhur shorti i Conference League për turin e tretë dhe skuadrat shqiptare janë njohur tashmë me kundërshtarët që i presin nëse do të kalojnë fazën e dytë.
Nëse arrin të fitojë ndaj Inter Esclades, Teutës do i duhet që të përballet me irlandezët e Shamrock Rovers në turin e tretë.
Partizani nga ana tjetër do të përballet në turin e tretë me fituesin e çiftit Ujpest-Vaduz, por kjo do të ndodh vetëm nëse do ia dalë të mposhtë Baselin, gjë që nuk duket aspak e lehtë për ‘Të kuqtë’ e kryeqytetit.
Ndërsa Vllaznia nga ana tjetër nuk ka patur një short aspak pozitiv, pasi në turin e tretë do gjejë përballë Qarabak, kjo nëse shkodranët do arrijnë të fitojnë ndaj AEL Limassol.
Edhe për skuadrën e Laçit duket se sfida e turit të tretë nuk do jetë aspak e thjeshtë, duke qenë se do ketë kundërshtar gjigandët e Anderlecht.
Megjithatë ekipeve shqiptare do u duhet të mbyllin njëherë turin e dytë, që edhe pse nuk duket shumë i vështirë, pritet të ketë surpriza./Gijotina.com
