Shorti i Champions League vendosi përballë Paris Saint-German dhe Real Madrid, kur u përsërit për herë të dytë.
Ish-kapiteni legjendar i Real Madrid, Sergio Ramos do të kthehet në Santiago Bernabéu, por këtë herë me fanellën e PSG-së. Mbrojtësi do të duhet të përballet me ish-skuadrën e tij për herë të parë, që kur u largua në merkaton e verës.
Por pasi u zbulua shorti, një deklaratë e Ramos nga viti 2019 është rikujtuar sërish sot.
“Unë kurrë nuk do të shkoja në një ekip që mund të konkurronte me Real Madridin”, ishte shprehur Ramos, ndërsa tashmë do t’i duhet të luajë kundër “Los Blancos”.
Këto fjalë Ramos i kishte thënë gjatë një konference për shtyp, kur ish-kapiteni dëshmonte angazhimin e tij për klubin kryeqytetas, pas fjalëve se ai do të largohej për shkak të disa mosmarrëveshjeve me presidentin Florentino Pérez.
Discussion about this post