Shqipëria njohu këtë të premte kundërshtarët e kualifikueseve të Kupës së Botës 2026. Shorti i hidhur në selinë qendrore të FIFA-s në Zyrih përcaktoi 12 grupet me nga katër dhe pesë skuadra për kontinentin europian.
Shqipëria, e cila ishte pjesë e vazos së tretë, është në grupin K bashkë me Anglinë, Serbinë, Letoninë dhe Andorrën. Shqipëria është përballur më parë me të gjithë kundërshtarët.
Bilanci
Me Anglinë, skuadrën më të fortë të grupit, Kombëtarja jonë ka luajtur gjashtë herë dhe të gjitha sfidat kanë qenë të vlefshme për kualifikueset e kampionateve botërore. Në të gjitha përballjet, Shqipëria ka humbur përballë ishullorëve.
Me Serbinë jemi ndeshur dy herë për kualifikueset e Europianit 2016.
Dueli i famshëm i 14 tetorit 2014 të zhvilluar në Beograd, u la përgjysmë pas sjelljeve vandale të vendasve, teksa Shqipëria fitoi në tavolinë 0-3, ndërkohë në sfidën e 8 tetorit të vitit 2015, serbët fitonin në “Elbasan Arena” me rezultatin 0-2, falë golave të Ljajiç dhe Kolarov.
Me Andorrën, Kombëtarja është përballur shtatë herë. Bilanci është pozitiv, një humbje në miqësore, një barazim dhe pesë fitore.
Me Letoninë jemi përballur pesë herë dhe të gjitha ndeshjet kanë përfunduar në barazim.
Discussion about this post