Sot janë përcaktuar grupet në Nations League, ku kombëtarja kuqezi e drejtuar nga Sylvinho do të përballet me Ukrainën, Gjeorgjinë dhe Çekinë.
Shorti duket se favorizon kombëtaren shqiptare.
Lidhur me shortin, trajneri i skuadrës ukrainase, Serhiy Rebrov, u shpreh se aktualisht kjo skuadër po mendon për play-off të Euro 2024.
“Pas ndeshjeve të play-off, do të mbledhim informacione për të gjithë këto skuadra. Tani, mendoj se duhet të përqendrohemi te përgatitjet për ndeshjet e marsit.
Unë kam parë më shumë nga ndeshjet e Çekisë dhe Shqipërisë, më pak të Gjeorgjisë. Shqiptarët po tregojnë futboll solid, ata e kanë fituar të drejtën që të luajnë në Europian. Ashtu si edhe çekët, ashtu si edhe gjeorgjianët të cilët luajnë në play-off. Jam i sigurt se do të ketë një luftë të fortë në grupin tonë.
Po, aktualisht jemi të përqendruar te ndeshjet play-off, por mendoj se Liga e Kombeve është një turne i rëndësishëm. Të gjitha skuadrat kanë mundësinë të shkojnë në Europian nëpërmjet tij. Më përpara zhvilloheshin miqësore, por tani çdo skuadër ka ndeshje më të rëndësishme.A do të jetë kjo një sfidë për t’u kthyer në Ligën A? Po”, tha Rebrov.
Discussion about this post