Gjykata e Lartë ka hedhur shortin për çështjen “Gërdeci” ndaj ish-ministrit të Brendshëm Fatmir Mediut. Mësohet se, seanca do shqyrtohet nga gjyqtarja Albana Boksi.
Ish-ministri përmes avokatit të tij mbrojtës, Ardian Visha ankimoi vendimin e apelit të posaçëm për rihapje të hetimeve ndaj tij, pasi e konsideron si antikushtetues, dhe se për këtë çështje është dhënë njëherë vendimi. Gjithashtu, sipas avokatit një tjetër argument është se vepra penale për të cilën ish ministri akuzohet është parashkruar.
Sa i përket shortit, pala mbrojtëse pretendon se Boksi ka konflikt interesi dhe se nëse gjyqtarja nuk jep dorëheqjen, ata do kërkojnë përjashtimin e saj për shqyrtimin e çështjes.
Kujtojmë se rihapja e çështjes ndaj Mediut u bë me inciativën e familjes së një prej viktimave të shpërthimit në mars 2008 në ambientet e ish “Brigadës së Tankeve” , me 26 humbje jete e qindra të plagosur.
Prokuroria e Posaçme kërkoi revokimin e vendimit të pushimit ndaj ish-ministrit të Mbrojtjes, por Gjykata e Lartë ia pasoi Gjykatës së Posaçme çështjen e tij, duke shpallur moskompetencën për shqyrtimin e kërkesës.
SPAK pritet të hetojë përgjegjësinë e ish-ministrit në ngjarjen tragjike të marsit 2008, ngjarje për të cilën Mediu është akuzuar dy herë për shpërdorim detyre sipas Kodit Penal dhe Kodit Penal Ushtarak, por nuk u gjykua asnjëherë pasi u mbrojt nga imuniteti parlamentar.
Discussion about this post