Shqipëria do të luaj në “play off”, në kuadër eliminatoreve të Botërorit 2026 përballë Polonisë, teksa Kosova ndaj Sllovakisë.
Shorti u hodh në selinë Federatës Ndërkombëtare e Futbollit (FIFA) në Zyrih të Zvicrës.
Në rast fitore, Shqipëri do të ndeshet me fituesen e çiftit Ukrainë-Suedi. Ndërsa Kosova me fituesen e çiftit; Turqi-Rumani.
Gjysmëfinalet play-off luhen më 26 mars 2026 dhe finalet më 31 mars 2026.
Të dyja skuadrat ishin në Vazon e Tretë, duke shmangur një përballje mes tyre. Skuadra e Shqipërisë dhe Kosovës ndeshjen e parë do ta luajnë në transfertë dhe do të jetë ndeshje teke. Kjo pasi ekipet e vazos së dytë kanë koeficient më të lartë e kësisoj janë më të favorizuara në këtë turn. Ndeshja nëse mbyllet në barazim, do të vazhdojë me shtesë dhe nëse edhe gjatë kohës shtesë nuk ka fitues, fati i kualifikimit do të vendoset nga goditjet e 11-të metërshit.
Skuadrat fituese të këtij turni, në raundin tjetër nuk do të kenë më ndeshje teke, por do të luajnë dy ndeshje me sistemin vajtje-ardhje.
Nga shorti i hedhur në Zvicër, Italia do të përballet me Irlandën e Veriut, Uellsi me Bosnjë Hercegovinën, Ukraina me Suedinë, Turqia me Rumaninë, Danimarka me Maqedoninë e Veriut dhe Çekia me Irlandën
Vetëm katër ekipe nga 16 pjesëmarrëse do të sigurojnë një vend në Kupën e Botës 2026.
Shqipëria dhe Kosova janë vetëm dy hapa larg ëndrrës së madhe botërore dhe me formën e deritanishme dhe shpirtin luftarak të skuadrës së Silvinjos, ky moment historik duket më pranë se kurrë më parë.
Discussion about this post