Një sherr ka ndodhur në Berat, në lagjen “13 Shtatori” ku sipas njoftimi të policisë janë plagosur me mjete të mprehta dy persona me inicialet D. Gj., 32 vjeç dhe Th. Gj., 22 vjeç të cilat janë duke marrë mjekim në spitalin e Beratit.
Policia ka shpallur në kërkim 3 persona të cilët dyshohen si autorët e ngjarjes, përkatësisht shtetasit me inicialet E. N., 31 vjeç, F. Q., 24 vjeç dhe F. Q., 21 vjeç, pasi gjatë mesnatës në lagjen “13 Shtatori” për motive të dobëta kanë sulmuar me thikë dy persona të cilët momentalisht janë rrezikut për jetën. Ndërkohë vijon puna intensive për kapjen e personave të shpallur në kërkim.
Nga specialistët e Seksionit të Krimeve është bërë arrestimi në flagrancë i shtetasit N. Gj., 37 vjeç, banues në Berat, pasi ka ushtruar dhunë fizike ndaj babait të tij, në banesë.
Materialet i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.
Discussion about this post