Valon dhe Visar Avdyli janë shpallur në kërkim nga policia norvegjeze. Vëllezërit nga Kosova cilësohen si të dyshuar në lidhje me një vrasje të ndodhur në 7 tetor në Mortensrud.
Policia norvegjeze ka publikuar fotot e tyre, në momentet kur janë filmuar nga kamerat e sigurisë në Gardermoen pak para se të fluturonin për në Prishtinë të shtunën më 9 tetor.
Dy vëllezërit akuzohen për vrasjen në bashkëpunim në vrasjen e 20-vjeçarit Hamse Hashi Adan i cili u qëllua jashtë shkollës në Lofsrud.
Svein Holder, avokati i tyre ka pohuar se klientët e tij i kanë bërë me dije se nuk kanë lidhje me ngjarjen. Në 2016-ën, ata u bënë të parët në Norvegji që u dënuan sipas klauzolës së re të terrorizmit.
Valoni është dënuar për pjesëmarrje në organizatën terroriste IS, ndërsa Visari për përpjekjen e bërë për të mbështetur me materiale për IS-in përmes vëllait tjetër Egzon Avdyli.
