Një grabitje nën kërcënimin e thikës është regjistruar ditën e sotme në Sarandë. Ngjarja ka ndodhur në lagjen nr.2 në këtë qytet, pranë bankomatit të një banke.
Policia bën me dije se një person ende i paidentifikuar, ka tentuar t’i grabisë para 34-vjeçares me inicialet A,N.
Ndërkohë bëhet me dije se policia po bën krehja e zonës, ndërsa grupi hetimor ndodhet në vendngjarje dhe po punon për identifikimin dhe kapjen e autorit.
Sarandë/Informacion paraprak
Me datë 08.05.2021, rreth orës 10:00, në lagjen nr.2, Sarandë, 1 person ende i paidentifikuar, pranë bankomatit të një banke, dyshohet se nën kërcenimin e një mjeti të mprehtë, ka tentuar t’i vjedhë një shumë parash shtetases A. N., 34 vjeçe.
Nga ana e Policisë po bëhet krehja e zonës, grupi hetimor ndodhet në vendngjarje dhe po punon për identifikimin dhe kapjen e autorit.
